شوبير يكشف تطورات الحالة الصحية للخطيب

قام الإعلامي أحمد شوبير، بالكشف عن تطورات الحالة الصحية لمحمود الخطيب رئيس النادي الأهلي.

وتحدث شوبير في تصريحات إذاعية: أنا عندي أسئلة كثيرة جدا من الجماهير عن كابتن محمود الخطيب أنا ممكن أقول لكم بالفم الملياناطمنوا، هو الخطيب من أكثر من شهر كان جات له أزمة صحية وقعد في المستشفى 5 أيام والأطباء طالبوه بالراحة وأن يجري فحوصات طبية شاملة وكاملة ومتابعة دائمة.

وتابع: خلوا بالكم يا جماعة إحنا كبرنا بس كل ما بنكبر بننتمي للمكان اللي احنا فيه أكثر وبنحاول دائما نقدم كل شيء للمكان وفيه ناس كل ما تكبر بتحب المكان أكثر وبتواصل العطاء خاصة أن التحديات اللي كانت عند الكابتن الخطيب كثيرة جدًا.

وأضاف: الخطيب هيسافر خلال أيام وهيفضل فترة بره يخلص تحاليله والفحوصات الطبية وكل حاجة بس المجمل العام الكابتن الخطيب بصحة جيدة وهو الراجل من النوع اللي بيعرف يكتم آلامه وهيسافر ويرجع بألف سلامة وكل الأمور والنادي شغالة وماشية بشكل جيد.