شوبير يوجه رسالة مثيرة لجماهير الأهلي بخصوص نجم الفريق

وجه الإعلامي أحمد شوبير، رسالة لجماهير النادي الأهلي، بشأن نجم الفريق، مُطالبًا بالهدوء في الفترة القادمة.

الأهلي يفوز على سيراميكا كليوباترا

وحقق الأهلي الفوز على نظيره سيراميكا كليوباترا، بخماسية مقابل هدفين، في منافسات الجولة الأولى من الدوري المصري الممتاز.

وتحدث شوبير: طاهر محمد طاهر عاجبني جدا هذه العقلية الرائعة من الولد اللي أصبح الآن جماهير الأهلي بتتغنى بيه بعد الهجوم الشديد عليه وسوشيال ميديا وشغلانة في الموسم اللي فات إنما دلوقتي بقه بيشيدوا بيه ليل نهار.

وأضاف: يارب بس تفضلوا تشيدوا بيه شوية مش ماتش يوديكوا وماتش يجيبكم، وعلى فكرة طاهر الموسم ده لعب 7 مباريات سجل 4 أهداف وصنع هدفين، أما في السنة اللي فاتت 37 مباراة هدفين و6 أسيسيت والبعض طالب برحيله.

وتابع: عقلية اللاعب هنا بتفرق إزاي ترجع من جديد ومهما السوشيال ميديا انتقدتك الرد يكون في الملعب بتمنى الجمهور بس يهدى ويصبرعليه وعلى غيره شوية.