أمير عزمي يفجرها: الزمالك مليان لجان.. وعصافير بالجهاز الفني سربت كلام ضد جروس

فتح أمير عزمي مجاهد، المدرب المساعد السابق في الزمالك، النار على من يحاولون تشويه صورة المدرب السويسري كريستيان جروس، كاشفًا كواليس وأزمات عديدة خلال فترة قيادته للفريق.

وقال أمير عزمي خلال تصريحات تليفزيونية: “الكلام اللي اتقال عن جروس إنه بينسى أسماء اللاعبين قلة أدب وقلة تربية، وده طلع من لجان وأشخاص داخل النادي، لكن واضح جدًا إنه كان سيناريو متوزع”.

وأضاف: “فيه ناس من داخل الجهاز الفني كانت بتنقل كلام غلط للإدارة عن جروس، وكان فيه صفقات اتعملت في الزمالك بدون ما يكون له أي رأي فيها، رغم إنه كان طالب لاعيبة معينة محدش فيهم جه”.

كما كشف عن رغبة جروس في التعاقد مع أحمد رضا، لاعب الأهلي الحالي، قائلًا: “كان معجب جدًا به وطلب ضمه، لكن الإدارة ما خلصتش الصفقة، فراح الأهلي”.

وأشار أمير عزمي إلى وجود شخص بعينه يتحكم في التعاقدات داخل النادي، موضحًا: “وكيل وسمسار معين كان بيحرك كل حاجة، ومحدش عارف ماسك على النادي إية”.

واختتم تصريحاته: “الزمالك مليان لجان، والكل بيضرب في الكل، حتى شيكابالا عمل ثورة ضد جروس، وكان هناك لاعبين مش بتلبس الـGPS عشان التشيرتات ضيقة، وجروس طلب تغييرها لكن لم يهتم أحد”.