أمير عزمي يكشف كواليس أزمة شيكابالا مع جروس ويحذر من حملة ضد زيزو

تحدث أمير عزمي مجاهد، المدرب المساعد السابق في الزمالك، عن كواليس أزمة شيكابالا مع المدرب السويسري كريستيان جروس، مؤكدًا أن الأمور لم تكن بالشكل الذي اشيع.

وقال أمير عزمي، خلال تواجده على MBC مصر 2: “بعد مباراة إنيمبا، شيكابالا كان مضايق وبيتكلم بصوت عالي في أوضة اللبس، وقتها أخدت جروس وطلعته على المؤتمر الصحفي علشان ميكونش فيه أي احتكاك مباشر”.

وأضاف: “تاني يوم جروس عرف اللي حصل من حد في الجهاز الفني، لكنه تعامل بهدوء، راح لشيكابالا في التمرين وقال له أنت كابتن الفريق، ولو في مشكلة في أوضة اللبس، حلها جوه الفريق، وانتهى الموضوع على كده.”

وعن الأوضاع الحالية في الزمالك، حذر أمير عزمي من حملة تستهدف أحمد سيد زيزو، قائلاً: “في ناس بتحاول تعمل من زيزو كبش فدا، وبيجهزوا كلام عن إنه عاوز فلوس كتير، لكن الحقيقة إن زيزو لاعب محترم، وعاوز يكمل مع النادي، وكل اللي بيتقال عكس ده مجرد حملة لتشويه صورته.”