أنت مزروع في الإعلام.. خناقة على الهواء بين نجمي الأهلي والزمالك!
شهدت حلقة مثيرة من برنامج ملعب البلدوزر مشادة كلامية حادة بين مجدي عبدالغني، لاعب الأهلي السابق، وأسامة حسن، نجم الزمالك الأسبق، وذلك على خلفية مناقشة موعد مباراة بيراميدز وسيراميكا ضمن الدوري المصري الممتاز.
عبدالغني: طالبت بالتأجيل زي ما أجلتوا للأهلي والزمالك
وخلال حديثه، قال عبدالغني:«أنا اتكلمت في بداية الحلقة عن ضرورة تأجيل مباراة بيراميدز القادمة، لأنه مرتبط بخوض إياب نهائي دوري أبطال أفريقيا ضد صن داونز، وقلت لازم يتأجل زي ما كان بيتأجل ماتشات للأهلي والزمالك».
وأضاف موجهًا كلامه لأسامة حسن:«أنا اتكلمت في الموضوع ده قبل ما أنت تتكلم، لكن مش بنفس الأسلوب المستفز بتاعك، ولو ما سمعتنيش فدي مشكلتك مش مشكلتي».
أسامة حسن يرد بعنف: الأهلي زرعك في الإعلام!
رد أسامة حسن لاعب الزمالك السابق كان ناريًا، حيث قال:«والله يا كابتن عبدالغني، أحسن حاجة الأهلي عملها إنه زرعك في الإعلام. ولما كنت بتتكلم عن تأجيل ماتشات الأهلي، كنت بتتكلم بحرقة مش زي دلوقتي».
تدخل للتهدئة وسط تصاعد التوتر
ومع ارتفاع نبرة الحوار، حاول مجدي عبدالغني إنهاء التوتر بقوله:«احنا جايين ندي الناس معلومة، لازم نهدي ونتكلم بعقل»، لكن التوتر بين الطرفين ظل واضحًا حتى نهاية المداخلة.
