إبراهيم سعيد يُعيد إشعال النار بينه وبين شيكابالا من جديد بتصريحات مُثيرة
فتح إبراهيم سعيد الإعلامي بقناة «النهار» النار على شيكابالا نجم نادي الزمالك بعد أداء الأخير في مباراة الأبيض أمام المقاولون.
وتحدث إبراهيم سعيد عبر برنامجه «+90» الذي يقدم على قناة «النهار» قائلاً «أنا اتفرجت على مباراة الزمالك والمقاولون العرب، وموضوع عامل السن فارق مع شيكابالا، وواضح جدًا، هل ده مستوى شيكابالا؟ مش ممكن فارق شاسع في مستواه حاليًا ومستواه قبل كده».
وتابع إبراهيم سعيد: «أتا اتفرجت على شيكابالا، في مباراة الزمالك والمقاولون العرب، هو واخد مربع واقف فيه وبيعمل الكورة بين رجل اللعيب، الكلام ده مش مفيد للفريق بدليل إن الزمالك خسر».
وأكمل: «شيكابالا، بعيد جدًا عن مستواه، في كورة حاول بجري بيها، محمد عنتر لاعب المقاولون، جري وراه سبقه وقطع الكورة منه»، مضيفًا: «الزمالك ممكن يستغل شيكابالا، في الجهاز الفني، خاصة أنه قريب من اللاعبين والفريق لن يستفيد منه داخل الملعب سواء كلاعب أساسي أو لاعب احتياطي».
وأضاف: «هل شيكابالا، عايز يوصل لمرحلة إن الجمهور يقوله خلاص؟ أصعب حاجة في الكورة إن الجمهور إللي بيحبك يقولك كفاية».
وأختتم: «مفروض شيكابالا، يحترم حب جمهور الزمالك ليه، لأنها لو جت من الجمهور وقاله اعتزل هتبقى صعبة أوي، حتى لو الجماهير بتحبك هتبتدي تقلب عليك وحصل الكلام ده مع حازم إمام وهو مش ناسي الموقف ده لحد دلوقتي».
الجدير بالذكر أن مباراة الزمالك أمام نظيره المقاولون العرب، انتهت بفوز الأخير بهدفين مقابل هدف ليستمر نزيف النقاط للأبيض تحت قيادة البرتغالي جوميز.
