افشة: مبحبش اتكلم عن القاضية لأني بحترم جمهور الزمالك وبقدرهم.. ورونالدو “بيقلدني”

تحدث محمد مجدي افشة، لاعب الفريق الأول لكرة القدم بالنادي الأهلي، عن هدفه فى شباك نادي الزمالك فى نهائي افريقيا.

وقال افشة خلال تصريحات تليفزيونية: “انا كنت حاسس اني هسجل في نهائي القرن بس لم أكن ادرك انه في هذا التوقيت وهذا والسيناريو وهذا الصدى”.

وأكمل: “حياتي كلها اتغيرت بعد نهائي القرن وكل جمهور الأهلي لما بيشوفني لا يناديني غير بصاحب القاضية، بس انا مبحبش اتكلم كتير عن القاضية عشان جمهور الزمالك لاني بحترمهم وبقدرهم”.

وتطرق افشة للحديث عن خسارة السوبر الافريقي، فقال: “ربنا كرمنا بالسوبر المصري وكأس الفيفا للقارات التلاتة، وفي جملة قلتها وهفضل اقولها، لو الأهلي وقع في مرة متفكرش تستفزه لانه بيرد في الملعب وبيرد بالبطولات”.

وبخصوص تقليده لاحتفال رونالدو، فقال افشة ضاحكاً: “الاحتفال ده يخصني دلوقتي ورونالدو هو اللي بيقلدني”.