“الأهلي عنده كنز”… رد ساخر من شوبير على مسؤول الزمالك

قام الإعلامي أحمد شوبير، بالرد على أحد منافسي النادي الأهلي، بالسؤال عن كيفية جلب الأموال من أجل ضم الصفقات.

وتحدث شوبير خلال تصريحات إذاعية: إمبارح رئيس نادي مونبلييه الفرنسي قال لم نتلق أي عرض من النادي الأهلي لضم الجناح الأردني موسى التعمري، فإحنا نقوم نسيب رئيس النادي بقه ونفضل نقول آه الأهلي عرض 6 مليون و10 مليون و50 مليون وكنز الأهلي، آه فعلا الأهلي وقع على كنز ومش من النهارده ده من زمان.

وشدد: كنز الأهلي اسمه الاستقرار ناس عندها أولويات وعندها شغل بتقوم بيه ولما يكون فيه أخطاء بتشتغل عليها وبتعالجها، كنزه إن بيحصل على البطولات الأفريقية فبيزود رعاياته ويخلي ييجي له عروض رعاية كثيرة هو ده الكنز يا جماعة.

وواصل: إحنا عندنا للأسف ثقافة الشماعة، لما أغلط لازم أشوف شماعة، فتيجي يقول لك أصل الأهلي عنده فلوس أصله بياخد بطولات، طيب يعمل إيه بلاش يفوز وياخد بطولات، خليك شاطر واعمل زيه.

وأتم: أنا مثلا من الناس التي لا تهاجم بيراميدز ومعجب بما يقوم به، فقد بات منافسا قويا وبيكسب الزمالك والأهلي آه عندهم أخطاء لكن فيه حاجة صح بتحصل ناس اشتغلت بشكل كويس وعندهم إمكانيات.