الدماطي يكشف كواليس حلم استاد الأهلي

قام محمد الدماطي عضو مجلس إدارة النادي الأهلي، بالكشف عن كواليس جديدة بشأن حلم بناء استاد القلعة الحمراء.

ونشر الدماطي عبر حسابه الرسمي على موقع التواصل الإجتماعي ” فيسبوك”: هحكي عن قصة عمري ما قلتها قبل كده.. أول مرة قعدت مع الكابتن على الانتخابات كان في يوليو 2017، كانت اللائحة الاسترشادية نزلت وأُعلن أنه هينزل انتخابات، أنا اللي بادرت بالمكالمة وعملت بريزنتيشن كاملة عن اللي نقدر نعمله في النادي، وكيفية تنمية الموارد.

وأضاف: عملت الكلام ده وأنا مجرد مشجع بيحلم أنه يكون موجود في قائمة محمود الخطيب، المهم بعد ما خلصت قلت له: أنا شايف عشان الناس تصدق كل الوعود الانتخابية دي لازم نقول إن استاد الأهلي هيبقى صعب في المرحلة الحالية ومش هنقدر نوعد بحاجة عنه.

وتابع: كان ماشي معايا طول القعدة كويس ومبسوط لحد الحتة دي، رد عليا بزعل وقال: بس ده حلم الناس كلها وحلمي أنا شخصيًا، مقدرش أبدًا أحبط الناس وإن شاء الله هنعمله.

وأتم: وعلى مدار السنين اللي فاتت عمره ما غاب عنه الحلم ده، وكان على طول مركز في تحقيقه، وده بيعكس قد إيه الاستاد كان الهدف الأكبر، وإن شاء الله بعد 4 سنين من النهارده يكون حاضر أول مباراة على الاستاد الجديد كرئيس للنادي الأهلي.