“الدنيا رايقة”.. أول تعليق من شوبير عن تعادل الأهلي و الزمالك ف الدوري المصري

علق الإعلامي أحمد شوبير على مباراة القمة “129” بين الأهلي والزمالك، التي أقيمت أمس السبت، وانتهت بالتعادل الإيجابي.

تحدث أحمد شوبير، خلال برنامجه “مع شوبير”، عبر إذاعة أون سبورت إف إم: “بصراحة، لو سألت أي حد قبل الماتش مين الفائز، كان هيرد عليك بدون تردد: الزمالك هيخسر.. جماهير الزمالك كانت متخوفة جدًا، وناس كتير كانت بتقول النتيجة ممكن تكون تقيلة.. لكن أنا بقول لأ، الزمالك فريق محترم، وعنده تشكيل كويس، والنتيجة دي بالنسبة لجماهيره تعتبر مكسب”.

وشدد شوبير: “الأهلاوية اللي فاهمين كويس عارفين إن الماتش كان صعب، ورغم إن الأهلي كان الأفضل في أوقات كتير، لكن الزمالك كان عنده فرص خطيرة، وبيسيرو مدرب الزمالك نفسه قال.. إحنا خلّصنا المباراة بشكل كويس”.

وأوضح شوبير: “لو الزمالك كان خسر، كانت هتحصل أزمة كبيرة جوه النادي، لكن التعادل هدّى الأمور وخلى الدنيا رايقة”.

وأكمل: “أما الأهلي، فخرج بمكسب مهم، وهو مشاركة بن شرقي لأول مرة وتسجيله هدفًا، وده دليل على أن اللاعب عنده شخصية محترمة، لأنه رفض الاحتفال قدام فريقه السابق، وده اسمه رقي لاعب”.

وانهى حديثه: “في النهاية، التعادل كان في صالح الزمالك معنويًا، والأهلي خرج بمكاسب فردية، والمباراة كانت ممتعة للجمهور”.