شوبير يهاجم جماهير الأهلي بعد مباراة شباب بلوزداد
وجه الإعلامي أحمد شوبير، هجوم شديد اللهجة على جماهير النادي الأهلي، بسبب أحداث مباراة شباب بلوزداد في دوري أبطال إفريقيا.
الأهلي يفوز على شباب بلوزداد
ونجح الأهلي من تحقيق الفوز على نظيره شباب بلوزداد، بسداسية مقابل هدف، ضمن منافسات الجولة الثالثة من دور المجموعات بدوري أبطال إفريقيا.
وتحدث شوبير: الأهلي كسب 6-1 وده خلّى الأجواء تتحسن داخل الملعب، لكن الجماهير لسه غاضبة، وفيه حدود لازم نعرفها، المشجع مش المفروض يكون فوق اللاعب أو المدرب، مش لازم كل شوية تحط السكينة على رقبة اللاعبين.
وأضاف: الأهلي كسب 6 وحصلت مصالحة داخل الملعب، والجماهير غاضبة بس فيه حدود يا جماعة خلينا نعرف المشجع مشجع واللاعب لاعب والمدرب مدرب، إنما يا جماعة تدوس على اللاعيبة ده مش كويس ومش طول الوقت تفضل حاطط السكينة على رقبتي.
وتابع: حضرتك أنا بشر برضه وكلنا بشر وكلنا معرضين للخطا، وأيه الخطأ اللي وقع فيه لاعيبة الأهلي بنالتي ضاع هتعمل أيه أدي الله وأدي حكمته فأيه اللي بيحصل ده هل ده مقبول.
وشدد: فالنهاردة أنت ماسك محمد رمضان وماسك كهربا فأنا بقول لجمهور النادي الأهلي مكانش ده موجود في الأهلي والقصة دلوقتي بقت رمضان لازم يمشي وكهربا لازم يمشي.
واختتم: لا يا جماعة فيه حاجة مش طبيعية بتحصل أنا بكلم جد أنا مش مصدق ومستغرب جدا، جمهور الأهلي لازم يكون مساند إنما فيه أيه يا جماعة فيه ريحة مش حلوة كده.
