اتهامات متبادلة.. والد زيزو: بيتهموني بالعمولة هو أنا مجددتش 3 مرات ببلاش؟
واصل والد أحمد سيد زيزو، لاعب الزمالك، هجومه على إدارة النادي، كاشفًا عن تفاصيل جديدة في ملف تجديد عقد نجله، وموجهًا اتهامات مباشرة لبعض المنتقدين الذين وصفهم بأنهم يسعون لتشويه سمعته وصورة ابنه أمام الجماهير.
وقال والد زيزو في تصريحات خاصة لموقع “كورة بلس”: “جددت لابني 3 مرات من غير ما أخد مليم عمولة، ورغم كده بيطلعوا يقولوا إني بطلب عمولة! يعني إزاي؟ أنا اللي كنت بضحّي وبقفل العروض عشان الزمالك، فين التقدير؟”.
وأشار إلى أن العروض الخارجية التي وصلت للنادي كانت مغرية للغاية، موضحًا: “في يناير جالنا عرض من الشباب السعودي بـ12 مليون دولار، وقبله في أغسطس عرض تاني من نادي نيوم بـ6.3 مليون دولار، لكن احترمنا الزمالك ورفضنا نفكر فيهم”.
وتابع: “لو إدارة النادي كانت عايزة فعلاً تجدد مع زيزو، كانوا خلصوا الموضوع من شهور.
لكن الحقيقة إن مفيش رغبة حقيقية، وكل حاجة بقت على الفضائيات، وده مش احتراف خالص”.
وشدد والد زيزو على أن المسألة لم تكن أبدًا مادية بقدر ما كانت متعلقة بالاحترام والتقدير: “إحنا متكلمناش عن فلوس كتير، وعمري ما طلبت رقم.
هما اللي قرروا يطلعوا يشوهوا الصورة ويقولوا اللي مش حقيقي. اللي بيحصل ده مش طبيعي، وبيخلينا نعيد حساباتنا”.
وسط هذا السجال الحاد، يبدو أن العلاقة بين عائلة زيزو وإدارة الزمالك تتجه نحو المزيد من التوتر، ما يفتح الباب أمام سيناريوهات مفتوحة قد تتجاوز مجرد الخلاف حول التجديد، وتصل إلى احتمالية الرحيل عن القلعة البيضاء، إذا استمر غياب الوضوح والتقدير.
