شيكابالا يهاجم اتحاد الكرة بسبب الإسماعيلي

تحدث شيكابالا نجم وأسطورة نادي الزمالك، عن نادي الإسماعيلي وأسباب عدم حصوله على البطولات.

وقال شيكابالا عبر MBC مصر: “زمان كنت بشوف الإسماعيلي بيلعب، كنت بقعد متنح كدة واقول ايه الفرقة دي وبيلعبوا الكورة دي ازاي !”.

واضاف: “نفسي الإسماعيلي ياخد بطولة أفريقيا ويرجع ياخد بطولات ، بس هل ده ممكن يتحقق؟ الإجابة لأ “.

وتابع: “الكورة دلوقتي عبارة عن فلوس .. والأهلي بياخد كل البطولات دي بسبب انه مرتاح ماديًا”.

واستكمل: “”مينفعش يبقى الأهلي بياخد قد كدة وتحته الزمالك بياخد قد كدة .. والإسماعيلي تالت أكبر نادي في مصر يعتبر مبياخدش حاجه! “.

واختتم حديثه: “إنهيار الإسماعيلي سببه هو اتحاد الكرة والمسئولين عن الرياضة في مصر، لو في عدل في توزيع الموارد النادي هيقدر يحل قضاياه ويشتري لاعيبة كويسة هينافس كل موسم على جميع البطولات”.