أول تعليق من الشناوي على نتائج قرعة كأس العالم للأندية
أوقعت قرعة كأس العالم للأندية، النادي الأهلي فى المجموعة الأولى، رفقة كلا من بالميراس البرازيلي وبورتو البرتغالي وإنتر ميامي الأمريكي.
وعلق محمد الشناوي، حارس مرمى القلعة الحمراء، على نتيجة القرعة، فى تصريحات عبر صفحة الأهلي، فقال:″كلنا فخورين ان النادي الأهلي موجود في كاس العالم بين الكبار والجمهور لازم يفتخر بده واللعيبة الموجودة تفتخر بذلك والادارة″.
واضاف: ″في الاخر احنا بنروح البطولات دي ياسم النادي الأهلي أكبر فرقة في افريقيا وفي اخر خمس نهائيات للقارة متواجد ورقم واحد في القارة، الكل لازم يكون فخور اننا موجودين مع الفرق دي″.
وتابع: ″القرعة جيدة ومتوازنة وباذن الله نعمل نتائج جيدة ونوصل لمكان كويس في كاس العالم″٬
واختتم: ″واحنا بنتفرج على القرعة كنا بنتكلم وقلنا ياريت نلاعب انتر ميامي لوجود نجم كبير زي ميسي وكان نفسنا نلاعب فرق زي انتر يوفينتوس وفي النهاية وقعنا مع فرق محترمة وهدفنا اننا نعدي الدور الأول لكن عندنا ماتشات الفترة دي نفكر فيها وبعدها نفكر في القادم″.
