هجوم شديد وانتقاد لاذع من نجم الأهلي السابق للجماهير بسبب هتافاتهم ضد لاعبي الأحمر
شن شريف عبدالمنعم لاعب الأهلي السابق، هجوما شديدا على جماهير النادي الأهلي، بعد الهتاف ضد لاعبي الفريق قبل مواجهة شباب بلوزداد الجزائري في دوري ابطال افريقيا.
وقال شريف مع هاني حتحوت عبر قناة صدى البلد: “زعلان من الجماهير وليه الهجوم على الشناوي!، لاعيبة الأهلي بتخلي النادي رقم واحد في افريقيا ومصر وبتكسب الاتحاد والهلال واليابان والمكسيك وبتخليك كمشجع فرحان وقاعد حاطط رجل على رجل على القهاوي وبتتحاكى باسم النادي”.
وتابع: ” النهارده أنت جاي تهاجمه وتشتمه بسبب ضربة جزاء راحت ولا ماتش راح، ومع احترامي من يقول الجمهور رقم واحد اه وهما اللي بيعملونا ويرفعوا اسمنا في الشوارع لكن الموضوع بيختلف من زمن لزمن”.
واضاف: “مش انت اللي بتتحكم في كل حاجه كجمهور، انت مش هتلعب وانت مش هتعمل حاجه لو لاعب بيجري في الملعب ومات، هتترحم عليه وخلاص، فبتتعامل مع اللاعبين على أساس ايه”.
