شوبير يكشف تطورات صفقات الأهلي الشتوية

كشف الإعلامي أحمد شوبير، عن تطورات صفقات النادي الأهلي، لتدعيم صفوف الفريق، خلال فترة الانتقالات الشتوية الجارية.

وتحدث شوبير خلال تصريحات إذاعية: النادي الأهلي شغال على ملف الصفقات، ولكن أسعار اللاعبين اتغيرت كتير جدًا عن الأول، والجمهور ضاغط بشدة وبعنف في موضوع الصفقات واللاعبين والنادي الأهلي شغال.

وتابع: الكلام دلوقتي على لاعب سلوفيني بيلعب في الدوري المجري وأرقامه جيدة، ولعب مباراة مع منتخب بلاده وسجل هدف.

وأضاف: الكلام بيتقال إن الأهلي أنهى كل شيء معاه، بدء بعض الناس يقولوا هيديله مليون دولار في السنة، محدش عارف الأرقام وكله بيتكلم وبيعترض، إحنا القريبين أوي مش عارفين الأرقام.

وواصل: كل اللي نعرفه إن النادي الأهلي شغال على صفقتين أجنبيتين وصفقة محلية، الأمور صعبة جدًا ولكن الناس شغالة.

واختتم: الأهلي بيصارع الزمن عشان آخر موعد لتسجيل اللاعبين قبل الغلق الإفريقي هو 31 يناير الجاري، عشان كدة الأهلي بيحاول ينجز المساءل بدري بدري.