“حالته صعبة”.. شوبير يكشف حالة محمد شوقي لاعب كفر الشيخ
كشف الإعلامي أحمد شوبير، تطورات حالة محمد شوقي لاعب كفر الشيخ، الذي سقط إثر توقف قلبه خلال مباراة فريقه أمام القزازين في دوري المظاليم.
وتحدث شوبير في تصريحات إذاعية: محمد شوقي لاعب نادي كفر الشيخ بيرقد في حالة صعبة جدا في مستشفى الزرقا في دمياط الدكتور أشرف صبحي أحال الواقعة إلى التحقيق وقرر تحويل نتائج التحقيق إلى النيابة.
وأضاف: الدكتور حازم خميس رئيس اللجنة الطبية بوزارة الرياضة قال إن فيه تعليمات للأندية لابد من تطبيقها في إجراءات السلامة للحفاظ على صحة اللاعبين، وعايز أقول لكم بقه إن التعليمات دي عبارة عن خطابات تصل للاتحادات والأندية ولكن في النهاية حبر على ورقالجواب وصل علم ولا ينفذ كان زمان علم وينفذ.
وتابع: يا جماعة حصل عندنا مصيبتين في أقل من سنة وشفنا إيركسن لاعب الدنمارك رجع يلعب تاني، ومن يومين مساعد مدرب المجر سقط وقام وبقى كويس دلوقتي، إنما عندنا هنا كل واحد عايز يخلي نفسه من المسؤولية يبقى مينفعش إحنا عايزين هذا الأمر ما يتكررش كل شوية، ومن ساعة قصة أحمد رفعت وكله بيدور على كبش فداء كل شوية وبيهرب من المسؤول الحقيقي وهو الإهمال.
وأتم: أنا عارف إن حالة محمد شوقي صعبة جدا جدا لكن أنا عايز الحقيقة، واحد يقول لك العربية مجهزة وواحد يقول لك لأ الحقيقة واللي غلط لازم يتحاسب.
