“مش كل قرار ياخده هيطلع يوضحه”.. شوبير يُهاجم الجماهير بسبب حسام حسن
هاجم الإعلامي أحمد شوبير، بعض من الجماهير التي تضع حسام حسن المدير الفني لمنتخب مصر، خاصةً بعد استبعاد محمد صلاح، ومصطفى محمد من مباراة موريتانيا القادمة.
منتخب مصر يواجه موريتانيا في أمم إفريقيا
ويستعد منتخب مصر لمواجهة نظيره موريتانيا، غدًا الثلاثاء، في منافسات الجولة الرابعة من التصفيات المؤهلة لبطولة كأسأمم إفريقيا 2025 بالمغرب.
وتحدث شوبير في تصريحات إذاعية: بصراحة يا جماعة شايف تشكيك غريب جدا ومرفوض بعد ما حسام حسن أعفى مصطفى محمد منالسفر مع المنتخب إلى موريتانيا، واللي بيحصل شيء غريب جدا وعجيب لإن منتخب مصر ماشي كويس والنتائج طيبة وقلت يا جماعة خلواقصتكم لو حد مختلف مع حسام حسن خلاص سيبك منه وخليك مع منتخب مصر.
وأضاف: إنما مش كل قرار الراجل ياخده لازم يطلع يوضحه وحسام حسن وضح السبب في عدم سفر محمد صلاح، ومش عيب إنك تجيبنجم الفريق وتتكلم معاه في فرنسا كيليان مبابي قال لمدرب فرنسا أنا هلعب مباريات محددة.
وتابع: القصة باختصار مصطفى محمد قال أنا عندي إجهاد في العضلة الخلفية، والجهاز الطبي أكد الموضوع لكابتن حسام حسنومصطفى بيحافظ على نفسه وخايف الإصابة تتفاقم خاصة إنه عايز يرجع تاني بعد ما بقي بيقعد احتياطي في فريق نانت، ليه دائما فيهحالة التشكيك دي أرجوكم خلوا المركب تمشي.
وأتم: عايزين نستعيد لقب أفريقيا وزمان طلعت نغمة كفاية أفريقيا عايزين نروح كاس العالم دلوقتي نفسنا نكسب تاني أفريقيا، وكمان أنتقريب جدا من التأهل لكأس العالم دي في النهاية بلدنا وعايزين نعمل ليها حاجة والناس بتهاجمني على الكلام ده مش عارف ليه هو أنابقول حاجة ضد الصالح العام أنا بتكلم من أجل مصر ليه دايما فيه حالة من التشكيك وعدم الثقة عايزين نبني الثقة.
