شوبير يدافع عن عواد بعد تعادل الزمالك

قام الإعلامي أحمد شوبير، بالدفاع عن محمد عواد حارس مرمى الزمالك، وذلك بعد التعادل مع إنيمبا في الكونفدرالية الإفريقية.

وتحدث شوبير في تصريحات إذاعية: الحقيقة في نهاية الشوط الأول ومن خطأ بدون داعي من محمد عواد وحظه وحش سجل إنيمبا هدفه الأول، وعواد استعجل في الطلوع من مرماه ومكانش لازم يطلع لإن مهاجم إنيمبا كان معاه إثنين مدافعين.

وأضاف: حالة من التحفيل العنيف على عواد بعد الهدف يا جماعة ما الزمالك كان كسبان 2-1 وكان ممكن يكسب دي وكلنا كنا أجوان وكان بيدخل فينا أجوان أوحش من دي مليون مرة، فلحد أمتى هنفضل كده، قول عواد كان وحش إنما أيه كم الشماتة وكم التحفيل ده.

وتابع: فاللي حصل ده والتريقة دي ده كلام عيب، وملوش أي لازمة.