تصريحات نارية لـ مصطفى شوبير بعد وفاة أحمد رفعت
توفى إلى رحمة الله تعالى أمس، أحمد رفعت لاعب الفريق الأول لكرة القدم بنادي مودرن سبورت ومنتخب مصر، بعد صراع مع مرض القلب الذي أصابه من بعد مباراة الاتحاد السكندري ومودرن سبورت في وقت سابق.
وترددت أقاويل عن تسبب الإعلامي واللاعب السابق للنادي الأهلي، أحمد شوبير، في حالة أحمد رفعت النفسية السيئة التي أدت إلى وفاته مما جعل نجله يرد على هذه الأقاويل عبر صفحته الشخصية.
وكتب مصطفى شوبير حارس النادي الأهلي، عبر موقع التواصل الاجتماعي إنستجرام “اتهامات اتهامات وخوض في ذمم بدون علم ولا أي دليل، أنتوا مفرقتوش عن اللي ظلموا رفعت في حاجة، ودلوقتي بتتهموا ناس ظلماً بأذي شخص بدون أي دليل، حتي دي عايزانها أهلي وزمالك وتريند.. شقيق اللاعب طلع وقال اسألوا فلان وذکر أسم شخص، ووكيله كان قاعد وحصلت مواجهه بينه وبين الشخص اللي تم ذكر إسمه.. فين بقي اسم احمد شوبير في جمله مفيدة؟”.
وأضاف مصطفى شوبير”ولا أخو رفعت ولا وكيله ولا المحامي بتاعه قال حاجة أو ذكر حتي أسم أحمد شوبير زي ما المفبركين بيكتبوا!!”.
وتابع حارس النادي الأهلي”التريند والاتهامات الباطلة بيعموا الناس، أي حد بيكتب أي حاجة والناس للأسف بتصدقها وخلاص.. ياريت الناس اللي بتكتب ده درس لينا تبدأ بنفسها الأول ومتظلمش حد تاني بإتهامات باطلة بدون أي دليل لان كده أنت أول واحد متعلمش من اللي حصل وبتكرر الظلم بس بطريقة تانية”.
وأختتم شوبير “ستقيموا يرحمكم الله.. وسيبكم من التريند كلنا لله راجعون، اخيرا ربنا يرحمك يا رفعت اكيد انت في مكان احسن، لا تنسوه من صالح دعائكم”.
تصريحات أحمد رفعت قبل وفاته بأيام قليلة
وتحدث «رفعت»، في تصريحات تليفزيونية عبر قناة mbc masr 2 ببرنامج «الكورة مع فايق»: «أنا مش فاكر أي حاجة من اللي حصلت، ومش فاكر ايه إللي حصل لي في مباراة الاتحاد، ومش فاكر أي حاجة تخص أحداث اللقاء».
تابع: «أعتاد منذ الصغر على اللعب في الصيام وما حدث لا علاقة له بذلك».
وأكمل : «مررت بظروف وضغوط نفسية عنيفة لم يمر بها أي لاعب كرة قدم من قبل، كانت عاملا رئيسيا وراء الأزمة الصحية التي ألمت بي».
وأنهى: «الظروف القاسية التي عانيت منها قبل وعكتي الصحية لها علاقة بكرة القدم، وفترة مرضي كانت صعبة للغاية ولا أتمنى أن يمر بها أي شخص».
