لاعب الأهلي السابق يطالب بمساعدة عائلة اللاعب محمد شوقي و النني يرد
طالب محمد سمير، لاعب الأهلي السابق، ونادي زد إف سي الحالي، مساء اليوم الأربعاء، بمساعدة عائلة اللاعب الراحل محمد شوقي لاعب فريق كفر الشيخ الأول لكرة القدم.
نشر محمد سمير عبر حسابه الشخصي على «فيسبوك»: «أولًا البقاء لله في وفاه اللاعب محمد شوقي ربنا يرحمه ويصبر أهله».
واكمل: «بدعوا كل اللاعبين أصحابي وأخواتي يحاولوا يساعدوا زوجته وولاده، أنا تواصلت مع حد وعرفت ظروفهم قد إيه صعبة».
وواصل محمد سمير: «لو اللاعيبة والأندية جمعوا من بعض ولو مبلغ بسيط يقدروا يجمعوا مبلغ كويس يبعتوه لزوجته وأولاده».
وأكمل: «أنا عارف قد إيه اللاعيبة فى المواقف دي بتبقى رجالة بس ياريت إللي هيبعت فلوس يوصلها لزوجته وولاده شخصيًا».
واختتم لاعب الأهلي السابق: «أنا معايا أرقامهم لو حد عايز أبعتهالوا وجزاكم الله كل خير».
ورحل عن عالمنا اللاعب محمد شوقي عقب تعرضه لأزمة صحية خلال مباراة فريق كفر الشيخ الماضية.
وتفاعل النجم المصري محمد النني مع طلب اللاعب بالاستجابة.
