تعليق مثير من شوبير بعد شكوى الاتحاد ضد حكم مباراة الزمالك

علق الإعلامي أحمد شوبير، على بيان نادي الاتحاد السكندري، ضد حكم مباراة فريقه أمام نادي الزمالك في الدوري المصري.

وقال شوبير في تصريحات إذاعية: نادي الاتحاد السكندري طالب بفتح تحقيق مع الحكم أحمد الغندور حكم مباراة فريقه الكروي الأول أمام الزمالك بسبب الظلم الذي تعرض له فريقه، بس أنا عايز أسأل ده البيان رقم كام من الأندية ضد التحكيم في مصر ولسه احنا في الأسبوع السابع.

وأضاف: الاتحاد عايز تحقيق، واتحاد الكرة مش هيفتح تحقيق، هيفتح تحقيق إزاي يعني، هو اللي بيحصل لجنة الحكام بتجتمع لو الحكم تمام تمام لو فيه أخطاء بتعاقبه بشكل غير معلن.

وأتم: أتمنى موضوع التحكيم ده يخلص وينتهي وأتمنى اتحاد الكرة يساعدنا شوية ويعمل لنا حاجات مش مألوفة يعني، هنفضل كل شوية بالونة ومش عارف خبير أجنبي جاي، هو فين ياعم يرد يقول لك أصل الكريسماس والدنيا والحدوتة، أنت من 3 جولات في الاتحاد كفاية عشان كنت تجيب الخبير، لو هتكمل بالمصريين قول هكمل بالمصريين إنما هتفضل تعشمني وفي الاخر مفيش حاجة لازم يكون فيه قرارات سريعة وحازمة.