تعليق مثير من شوبير على إيقاف ناصر ماهر وغيابه عن القمة

علق الإعلامي أحمد شوبير، على قرار إيقاف ناصر ماهر لاعب الزمالك ثلاث مباريات، وغيابه عن لقاء القمة أمام الأهلي.

وتحدث شوبير في تصريحات إذاعية: من الحاجات اللي مضايقاني جدًا إنك يا ناصر يا ماهر خدت 3 مباريات إيقاف بلا سبب، وناصر من اللاعيبة اللي بيعجبوني جدا فليه بلا أدني مبرر لسه نازل وبقالك فترة مصاب وغايب والراجل بيعتمد عليك والزمالك فيه غيابات كثيرة.

وأضاف: أنا مليش علاقة أنت عندك مشاكل ولا لأ أنت لاعيب في نادي الزمالك فيه حاجات متعديش كده بسهولة لازم الناس تقف عليها في حاجات متعديش ببساطة وسهولة.

وأتم: وفيه ناس قعدت تكتب والعقوبة هتخفف وهيبقى الإيقاف مباراتين عشان ماتش الأهلي ياعم ما فيه لايحة بتحكم كل شيء في لايحة تم تطبيقها، والسؤال بقه أنا كنادي استفدت ايه من تهور بلا داعي.