تعليق مثير من شوبير عن حسام حسن
علق الإعلامي أحمد شوبير، عن التغييرات التي حدثت في صفوف المنتخب المصري، وما فعله حسام حسن منذ توليه تدريب منتخب مصر.
وتحدث شوبير في تصريحات إذاعية: حسام حسن بيبني جيل جديد للمنتخب، وبقى معندناش قلق من غياب النجوم، بعد ما أعطى العميد كثير من اللاعبين الفرصة.
وأضاف: زمان لو غاب محمد عبدالمنعم كنا نحط ايدينا على قلبنا، دلوقتي خلاص عبدالمنعم غاب جاب خالد صبحي وبعد كده محمد ربيعة، ولما محمد هاني غاب جاب أحمد عيد حسام قلبه جامد ومش بتفرق معاه الأسماء وده أمر يحسب لحسام حسن.
وتابع: منتخب مصر ماشي بشكل كويس جدا، تأهلنا مبكرا جدا وعمل نتائج كويسة وشفنا عدد كبير جدا من اللاعبين لأول مرة زي محمد ربيعة وخالد صبحي ودونجا وأسامة فيصل وناصر ماهر ومحمد شحاتة وأحمد كوكا حسام ادى مجموعة كبيرة الفرصة.
وأتم: ومش مجرد أسماء واخدهم منظر وبس لأ دول بيشاركوا، المهم نخلص التصفيات ونكسب مكسب معنوي بوتسوانا والتوفيق من عند ربنا بعد كده في تصفيات كأس العالم.
