حسين الشحات يفجرها: فضلت 10 أيام مبنامش بعد أزمتي مع الشيبي
تحدث حسين الشحات لاعب النادي الأهلي عن أزمته مع محمد الشيبي الموسم الماضي، بعد وصول الامر الى المحاكم.
وقال الشحات خلال تصريحات تليفزيونية، مع الإعلامي إبراهيم فايق، عبر برنامج “الكورة مع فايق”، المذاع علي قناة “إم بى سي 2″،: “انا قعدت أسبوع او 10 مبنمش بسبب اللي عملته مع الشيبي، ودي أول وآخر مرة وعاتبت نفسي، واعتذزت مرة واتنين وتلاتة له ولأهله وبعتذرله تاني دلوقت’.
وتابع: “بعتذرله تاني لانه اكيد أتأثر نفسيا، كلنا بنغلط وبتمني ربنا يسامحني على الموقف اللي عملته في موقف محمد الشيبي بسبب الشتيمة”.
واضاف: “عاوز اوصل للناس ان انا مبشتمش، مش علشان مرة هتعلقلي المشنئة، وتقعد تفكرني كل شوية وتقولي انت بتشتم.. انا زعلان من نفسي بسبب الموقف، وانا توبت بعد الموقف ودي حاجه بيني وبين ربنا اتمني يسامحني عليها”.
واكمل: “ناس حاولت تحل الموضوع بينا وانا فتحت بيتي لـ الشيبي ورضا سليم عارف الكلام دا وفي لاعيبة كبيرة وشخصيات كتيرة تدخلت لحل المشكلة ولكن هو مصمم على رأيه وهو حر.. والموضوع دا مش بيشغلني ولا بيأثر عليا”.
