خالد بيبو: ″كنت هزعل لو جمهور الأهلي محزنش على رحيل سيد عبدالحفيظ″

تحدث خالد بيبو لاعب الأهلي ومنتخب مصر الأسبق، عن الانتقادات التي كانت توجه له خلال فترة تواجده دخل النادي الاهلي فى منصب مدير الكرة.

خـالد بيبو مدير الكرة السابق بالأهلي:″الناس عايزة كل واحد بيشتغل في مكان يبقى شغال على هواها هي، خلال تواجدي في منصب مدير الكرة كانت الناس بتتكلم عليا اني ليه مش بقوم اعترض على التحكيم″.

وتابع:″ما ساعة ما مشيت محدش بيتكلم في النقطة دي خالص والكابتن محمد رمضان نفس الامر من طبيعته قاعد على الدكة مش بيعترض، والفكره اصلا اعترض ليه على التحكيم ما هو في فار.. والسنة اللي أنا كنت فيها خدنا كل البطولات″.

وبخصوص عبدالحفيظ، قال: ″حزن جمهور الأهلي على رحيل سيد عبدالحفيظ شئ طبيعي، لو لم يحدث ذلك كنت هزعل جدًا وكنت هقول في حاجة. وطبيعي أن الجمهور يزعل على رحيل واحد من أنجح الإداريين في تاريخ الأهلي″.