شوبير يفتح النار على الزمالك

قام الإعلامي أحمد شوبير، بالهجوم على مسؤولي نادي الزمالك، بسبب صفقات الفريق الأبيض في فترة الانتقالات الصيفية الحالية.

شوبير: مسؤولو الزمالك عيشوا الجماهير في الوهم

وتحدث شوبير في تصريحات إذاعية: أنا الحقيقة بتمنى يتم توحيد الخطاب بين المسؤولين هشام نصر وحسين لبيب، وكل أعضاء المجلس.

وتابع: هاني شكري عضو مجلس إدارة نادي الزمالك قال راموس حاجة جميلة جدا وعظيمة لكن مش جاي الزمالك ومفيش فلوس، بعدها هشام نصر طلع قال: ابني بيقود المفاوضات بنجاح ساحق وهى بس السيولة المالية بس المبدأ راموس موافق والنجم الإسباني عايز ييجي جدا جدا.

وأوضح: معلوماتي الشخصية إن راموس رفض اللعب في أمريكا، وأنا في الحاجات دي بالي طويل جدا جدا فباب القيد في مصر هيغلق يوم 25 أكتوبر فأنا هنتظر من النهاردة 3 أكتوبر لغاية يوم 25 وهشوف أيه اللي هيحصل.

وواصل: متعيش الناس في وهم رونالدينيو بتاع زمان، كان يتقال هو جاي يا سيادة يا فندم يقول لك اه اتصلنا وخلصنا وفيه حاجات صغيرةبس كده بنخلصها وهو مبسوط وعايز ييجي نادي الزمالك.

وأتم: وساعتها طلعت وقولت يا جماعة لو سمحتم نحترم عقول الناس فطلعوا هاجموني وقالوا لي أنت مستخسر رونالدينيو في الزمالك، لاوالله العظيم يا جماعة مش متخسره ونفسي ييجي ويلعب معاكم، بس فيه كلام بالعقل يعني فأنا هستنى ليوم 25 وهشوف القصة شكلها أيههل نجل المهندس هشام نصر هيقدر يقنع راموس يلعب في الزمالك تبقى حاجة عظمة العظمة الحقيقة لو حصلت مش بتريق لأ بحقوحقيقي.