شوبير يكشف حقيقة انتقال تريزيجيه للأهلي

كشف الإعلامي أحمد شوبير، حقيقة اقتراب انضمام محمود حسن تريزيجيه لاعب الريان القطري، لصفوف النادي الأهلي في الميركاتو الشتوي.

وانتشرت التقارير حول اقتراب عودة تريزيجيه لصفوف الأهلي في يناير، من أجل تدعيم صفوف الفريق قبل انطلاق كأس العالم 2025.

حقيقه انتقال تريزيجيه للأهلي

وتحدث شوبير في تصريحات إذاعية: الأهلي بالفعل عايز يضم تريزيجيه، ولكن اللاعب معار من طرابزون وهيخلص الموسم مع الريان ويرجع تاني، إلا لو ناديه القطري ليه رأي تاني وقرر يشتريه أو أحد أندية الدوري القطري لأنه ماشي كويس.

وتابع: الأهلي عايز يضمه من بداية الموسم عشان يشارك في كأس العالم للأندية، وبيشوفوا موافقة اللاعب الأول عايز يرجع أو لأ.

وأضاف: البعض بيقول إن تريزيجيه مش مبسوط في الريان، ولكن دي اجتهادات، وطلبات طرابزون سبور من النادي الأهلي للحصول على خدمات تريزيجيه مليون و300 ألف يورو، ومش هتبقى معضلة أوي على المارد الأحمر.

وأشار: التفاوض شغال وفي خلية نحل شغالة في الأهلي لإنهاء المفاوضات مع تريزيجيه والحصول على خدماته، والجمهور بدء يقول رأيه تريزيجيه هيلعب فين.