شيكابالا يودّع الدكتور محمد أسامة: كنت دايمًا السند وهتفضل جزء من تاريخنا

وجّه محمود عبد الرازق “شيكابالا”، قائد نادي الزمالك، رسالة وداع مؤثرة إلى الدكتور محمد أسامة، رئيس الجهاز الطبي للفريق، بعد إعلان رحيله رسميًا عن منصبه، بعد سنوات طويلة من العمل داخل القلعة البيضاء.

وقال شيكابالا في رسالة خاصة: “الدكتور محمد أسامة مش بس طبيب الفريق، ده كان السند لينا كلنا.. في أوقات صعبة، كان دايمًا موجود.. بحبه الكبير للنادي وإخلاصه للاعبين.”

وأضاف: “شكرك مش هيكفيه كلام.. كنت دايمًا نموذج للطبيب المحترف والإنسان الحقيقي.. وهتفضل جزء من تاريخ نادي الزمالك، وجزء من كل بطولة وكل لحظة عدّت علينا.”

واختتم شيكابالا رسالته قائلاً: “باسم كل لاعبي الزمالك، بنقولك شكراً من القلب.. وبنتمنى لك التوفيق في اللي جاي، وإن شاء الله تفضل معانا دايمًا ولو حتى من بعيد.. الزمالك بيتك وهيفضل فاتحلك بابه في أي وقت.”

ويُعد الدكتور محمد أسامة أحد أبرز الأسماء التي عملت في الجهاز الطبي لنادي الزمالك، ورافق الفريق في العديد من المحطات المهمة والبطولات، وكان دائمًا محل ثقة الإدارة والجهاز الفني واللاعبين.