عبدالواحد السيد يفجرها: زيزو كان بياخد فلوسه من بره الزمالك وكنت بقول للاعبين شوف حد بيحبك!
كشف عبدالواحد السيد، مدير الكرة السابق بنادي الزمالك، عن كواليس مثيرة تتعلق بطريقة حصول أحمد سيد “زيزو” على مستحقاته المالية خلال الفترة الماضية، في ظل تعثر مفاوضات التجديد مع النادي وتصاعد التكهنات حول انتقاله المحتمل إلى الأهلي.
وقال كابتن عبدالواحد السيد خلال تصريحاته عبر قناة “إم بي سي مصر 1”:«زيزو؟ الوحيد اللي كان بياخد فلوسه بانتظام، بس مش من جوه النادي».
وأوضح حارس نادي الزمالك الأسبق أن هناك شخصية كانت تتكفل بمستحقات اللاعب بعيدًا عن القنوات الرسمية داخل الزمالك، حيث قال:«كان في حد هو بيحب فلان وبيقول أنا متكفل بيه، هو طبعًا ممدوح عباس، راجل محترم كان متكفل بموضوع زيزو ومستحقاته شهريًا، والتحويل كان بيروحله بشكل مختلف، ومكنتش بحطه في قائمة اللاعيبة».
شكوى اللاعبين بسبب التفرقة
وأشار عبدالواحد إلى أن بعض لاعبي الفريق أبدوا اعتراضهم على طريقة التعامل مع زيزو، حيث قال:
«اللاعيبة كانت تقولي طيب وأنا يا كابتن؟ كنت أقوله هاتلي حد بيحبك وأنا معنديش مشكلة».
وأضاف:«ممدوح عباس كان بيبعت فلوس لـ زيزو من بره عشان هو لاعب بيحبه.. واحنا في النادي كنا بنشيل عبء مادي من علينا».
مافيش لاعب وصل للي وصله زيزو
واختتم عبدالواحد تصريحاته بالتأكيد على أن زيزو كان يحصل على امتيازات خاصة لم يحصل عليها أي لاعب آخر:«اللي كان بياخده زيزو غير اللاعيبة.. وكان بياخد ترضيات من بره.. مفيش لاعب وصل للي وصله».
