عصام مرعي: الزمالك محترمش المنافس وغيرت قناعتي بأوسوريو

ابدى عصام مرعي، نجم الزمالك السابق حزنه الشديد على خسارة الفريق الأبيض، خلال مواجهة اليوم أمام أرتا سولار الجيبوتي، في ذهاب دور ال32 من بطولة الكونفدرالية الأفريقية.

قال عصام مرعي خلال مداخلة هاتفية مع برنامج بلس 90، الذي يقدمه الإعلامي أمير هشام: “احترام الخصم أهم شيءٍ ولا، شفت في المباراة حاجات كتير غلط منها التشكيل وعدم تركيز اللاعبين بشكل غريب”.

اضاف: “شوف المساحات اللي كانت ورا المدافعين ودي حاجة متكررة مش أول مرة”.

أوضح: “كنت على قناعة في البداية بالمدير الفني الكولومبي أوسوريو ولكني غيرت وجهت نظري اليوم من اللي أنا شفته بصراحة كان كويس في الأول لكن الاخطاء متكررة”.

أكمل: “جميع اللاعبين بعيدة تماما عن تركيزها وحتى التغييرات مش متزنه لما تخرج الجزيري وشيكابالا مش هيضيف شيء”.

أوضح: “احنا متحرمناش المنافس علاوة أن كمان ما فيش أي فاعلية هجومية ولا تركيز دفاعي انا مستاء للغاية من اللي بيحصل والخسارة الغريبة دي”.

أكمل: “بتمنى عودة محمد عواد مرة أخرى، المستوى بتاع محمد صبحي سيء جدا، وأيضا حسام عبدالمجيد وخط الدفاع غير مناسبين للمباراة”.

وشدد: “لازم المدرب يوظف شيكابالا صح ويستفاد بخبرته صح، خصوصا أن الكوالتي اللي موجود دلوقتي محدود للغاية”.

وأتم تصريحاته: “الزمالك هيقدر يكسب بنتيجة كبيرة في العودة خاصة وأن المنافس ضعيف جدا جدا، ولا يوجد أي عذر للاعبين لتلقي هذه الخسارة”.