“مكنش حد معبرني”.. إمام عاشور يكشف كواليس انضمامه للأهلي
تحدث امام عاشور لاعب الفريق الأول لكرة القدم بالنادي الأهلي، عن كواليس انضمامه إلى القلعة الحمراء.
وقال امام عاشور خلال تصريحات تليفزيونية عبر فضائية الأهلي: “كنت زعلان ان تجربة احترافي مكملتش بسبب اني معرفتش اتأقلم بسبب اللغة واختلاف الأجواء لكن حاليا أنا بلعب فى افضل نادي في افريقيا وأي حد يتمنى يلعب للأهلي”.
وأكمل: “بعد إصابتي مع ميتلاند وكيلي قالي امير توفيق عايز يكلمك يتطمن عليك، كلمني اتطمن عليا وقالي سلامتك ومكلمنيش في أي حاجة تخص الأهلي”.
وتابع: “بعدها روحت الزمالك كنت بتعالج شهر ونص في النادي وتحدث مع المسؤولين اني عايز ارجع في مسؤول موجود حاليا في الزمالك قالي ادفع انت الفلوس لميتلاند وتعالى”.
واختتم: “مكنش حد فى الزمالك بيعبرني، وبعدها وكيلي قالي امير توفيق هيكلمك ومجرد ما كلمني قفلت قصة الزمالك لاني ملقتش تقدير وشرف لاي حد انه يلعب للأهلي وكانت فرصة بالنسبالي انا بلعب عايز بطولات وانضمامي للأهلي لم يأخذ سوى جلستين مع أمير توفيق”.
