“كفاية حملات وتحفيل”.. تعليق شوبير عن أزمة أحمد فتوح

علق الإعلامي أحمد شوبير، عن منفذي الحملات ضد أحمد فتوح لاعب نادي الزمالك، والهجوم الكبير على اللاعب.

وتحدث شوبير في تصريحات إذاعية: كلنا بندعي للراحل بالرحمة والمغفرة، وربنا يصبر عائلته، ولكن ما حدث أنه تم التصالح بين فتوح وأسرة الراحل.

وتابع: ياريت محدش يتكلم في الموضوع ده تاني، لأن أسرة الراجل تقبلت وأقرت بالصلح في المحكمة، والقرار في يد القضاء المصري.

وأضاف: الحملات اللي شغالة على فتوح، الله يخربيت التحفيل، في حاجات مينفعش فيها تحفيل، وأتمنى من الناس تشيل إيديها من على فتوح.

واختتم: فتوح بيموت نفسه في التمرين وعارف إنه عنده احتماليات إنه يروح المنتخب، وهنا لازم نساعده، ولكن الجلد ده أمر صعب.