“متعلمناش من وفاة رفعت”.. تعليق مثير من شوبير عن أزمة لاعب كفر الشيخ
علق الإعلامي أحمد شوبير، عن تفاصيل جديدة تخص حالة اللاعب محمد شوقي لاعب كفر الشيخ، والذي تعرض لأزمة صحية وتوقف قلبه خلال مشاركته في مباراة فريقه أمام القزازين.
وتحدث شوبير في تصريحات إذاعية: الحقيقة كل يوم بتصل برئيس نادي كفر الشيخ عبدالحميد مصطفى، واللي قال لي إن عربية الإسعاف في الملعب لم تكن مجهزة ولم يكن بها جهاز صدمات كهربائية، رغم إن مراقب المباراة بيقول عكس كده وبيقول العربية كانت مجهزة.
وأضاف: الحقيقة الحالة شديدة الصعوبة وحرجة جدا طبعا كل حاجة بإيد ربنا عز وجل لكن من كل الماتشات اللي في مصر دي ممكن مباراة يحصل فيها حاجة، يا جماعة هو اللي نبات فيها نصبح فيه، هو عشان نجامل المسؤول نقعد نزوق فيها من هنا ومن هنا عشان نخلي المسؤولية، ده كمان رئيس نادي كفر الشيخ قال لي لو عايز أصور لك اللي كان موجود في العربية.
وتابع: تاني هو فيه أيه أنا قلت الحل بمنتهى البساطة اتفاق بين اتحاد الكرة ووزارتي الرياضة والصحة وشوف القصة يخصموها من مستحقات الأندية بس إحنا مبنتعلمش، سخنا مع موضوع أحمد رفعت وبعد كده نمنا.
وأتم: يا جماعة ده نجم الدنمارك إريكسين مات وصحي قدامنا على الهوا في بطولة كاس الامم الاروبية وده عشان اشتغلوا معاه صح، ماهولازم نكلم ونقول يا إما ملوش لازمة نطلع ونكلم ونحكي.
