### [محمود صقر يكتب.. الأهلي هو المثال الوحيد في مصر للمنافسة الشريفة](https://www.football-eg.com/%d9%85%d8%ad%d9%85%d9%88%d8%af-%d8%b5%d9%82%d8%b1-%d9%8a%d9%83%d8%aa%d8%a8-%d8%a7%d9%84%d8%a3%d9%87%d9%84%d9%8a-%d9%87%d9%88-%d8%a7%d9%84%d9%85%d8%ab%d8%a7%d9%84-%d8%a7%d9%84%d9%88%d8%ad%d9%8a%d8%af/)

**Published:** نوفمبر 21, 2020
**Author:** mahmoud-shafey
**Categories:** آخر الأخبار
**Tags:** Mahmoud sakr, الاعلامي محمود صقر, الاهلي, الاهلي والزمالك, الزمالك, الصحفي محمود صقر, صقر, محمود صقر

**Excerpt:** عزيزي الزمالكاوي تعالى نتكلم بقى بهدوء، عارف الري أكشن اللي قدامك ده ؟ مش رد فعل حارس صد ضربة جزاء لأ ده رد فعل عبد الواحد السيد حارس الزمالك بعد تسجيل الإسماعيلي الهدف التالت في دوري (2008-2009) في واقعة هي…

**Content:**

**عزيزي الزمالكاوي تعالى نتكلم بقى بهدوء، عارف الري أكشن اللي قدامك ده ؟ مش رد فعل حارس صد ضربة جزاء لأ ده رد فعل عبد الواحد السيد حارس الزمالك بعد تسجيل الإسماعيلي الهدف التالت في دوري (2008-2009) في واقعة هي الأشهر في تاريخ الكرة المصرية لما الإسماعيلي كان بينافس الأهلي على الدوري و الزمالك في المركز السادس.**

**الأهلي موسم (2019-2020) حاسم الدوري قبل نهايته بسبع أسابيع و بيطبق ثقافة الأهلي و بيلعب لآخر دقيقة في ماتش مش مستفيد منه شيء لكن أي نتيجة إيجابية تقرب الزمالك من المركز التاني و تخليه يلعب دوري أبطال و مع ذلك الأهلي بيلعب بكل قوة لآخر ثانية.**

**الفارق مش 60 بطولة رسمية لصالح الأهلي أو إنه النادي الأكثر تتويجاً بكل البطولات المحلية و القارية و الرسمية بفارق هو الأكبر بين قطبين في العالم لأ، الفارق هو إسم الأهلي و الأهلي ثوابت و ثقافة و هوية بطل بدأت من 1907 و مستمرة ليومنا هذا و حاجات كتير إحنا كجماهير هنفضل نفتخر بيها بعيداً عن البطولات لإنها مش موجودة في أي كيان رياضي غيره. لإنه الأهلي حصل التعادل اليوم و لأنه الزمالك حصل رد الفعل اللي قدامك ده و في النهاية توج الأهلي بدوري 2009 هو كمان.**

---
**Source:** https://www.football-eg.com/%d9%85%d8%ad%d9%85%d9%88%d8%af-%d8%b5%d9%82%d8%b1-%d9%8a%d9%83%d8%aa%d8%a8-%d8%a7%d9%84%d8%a3%d9%87%d9%84%d9%8a-%d9%87%d9%88-%d8%a7%d9%84%d9%85%d8%ab%d8%a7%d9%84-%d8%a7%d9%84%d9%88%d8%ad%d9%8a%d8%af/