هاني حتحوت يرد على نفي شوبير لعقوبات لجنة الانضباط

رد الاعلامي هاني حتحوت، على نفي بعض مسؤولي الاتحاد عقوبات لجنة الانضباط والتي نقلها امس، والتي تخص امام عاشور وجوميز ومروان حمدي.

وقال هاني حتحوت عبر برنامج الماتش على صدى البلد: ″اتكلمنا امس على قصه عقوبات لجنه الانضباط فيما يخص الموسم الماضي بناء وإنه مفروض سيتم الإعلان عنها خلال الأيام المقبلة قبل رحيل اتحاد الكرة″.

وتابع: ″خرج الكثير من مسؤولي الاتحاد لنفي ان القرارات قد صدرت او إنه لا يوجد إيقاف لامام عاشور 4 مباريات وان مروان حمدي إيقافه 6 مباريات فقط وليس 6 شهور، ونحن عندما تحدثنا على العقوبات، قولنا كل العقوبات على كل اللاعبين والأجهزة الفنيه اللي وصلتنا بتاعه الموسم الماضي″.

واضاف: ″مقولتش على حاجه معينه وكان لينا تواصل مع مستشار لجنه الانضباط اللي قولنا ليه هل هيحصل تدخل لتخفيف العقوبات الكبيره دي .. وقال لا يجرأ احد أنه يخفضها غير لما تعلن الأول ويحصل تظلم عليها″.

واكمل: ″النهارده الإعلامي الكبير الكابتن أحمد شوبير طلع في راديو اون سبورت ينفي ما قولته بناء عن مصدر وقال إن لا إيقاف لإمام عاشور وان مروان حمدي هيقف 6 مباريات فقط″.

وقال: ″أنا قولت العقوبات كامله امبارح 3 ديسمبر .. طيب كابتن شوبير بتاريخ 3 اكتوبر يعني من شهرين طلع واتكلم عن عقوبة مروان حمدي بس وقال إنه هيتوقف 6 شهور ودلوقتي بيقول لا 6 مباريات″.

واختتم: ″ إحنا جبنا معلومة مروان حمدي زي ما جبنا معلومة امام عاشور وكل العقوبات.. فهل هيحصل تخفيض للعقوبات هنستنى ونشوف لأن المفترض أن مجلس جمال علام يعلن العقوبات بتاعه الموسم اللي فات قبل تولي المهندس هاني أبوريدة اتحاد الكرة المصري الجديد″.