أحمد حسام ميدو يوجه رسالة ناريه للاعبي الزمالك قبل مواجهة دريمز الغاني في نصف نهائي كأس الكونفدرالية

وجه أحمد حسام ميدو، نجم الزمالك السابق، رسالة قوية للاعبي الزمالك قبل المواجهة الحاسمة أمام دريمز الغاني في إياب نصف نهائي الكونفدرالية.

ميدو شدد على أهمية الحالة الذهنية للفريق قبل المباراة، وضرورة التركيز والتخيل لسيناريوهات المباراة، محثاً على أهمية بدء المباراة بضغط ورتم عالٍ، خاصةً أن اللعب يكون على أرضهم أمام جماهيرهم.

وكتب ميدو عبر حسابه الشخصي بمنصة”X”: “الحالة الذهنية اللي عليها الفريق قبل المباراة مهمة جدا!!، حالة التركيز وتخيل ايه اللي ممكن يحصل في الماتش وإزاي تبدأ الماتش بضغط ورتم عالي وانت بتلعب على ملعبك قدام فرقة صغيرة في وسط جمهورك عنصر مهم جدا للفوز بالمباراة”.

وتابع:” اول لما شوفت فيديوهات للاعيبة اللي بره الماتش نازلة الملعب وبتحيي الجمهور عرفت ان ‎الزمالك مش هيبدأ كويس، التركيز كله لازم يكون على للاعيبة اللي هتلعب واللاعيبه اللي بره تيجي تساند بس من العربية على المدرج”.

وأضاف ميدو: “طبعا مش ده السبب الرئيسي لتعثر الزمالك ف بمباراة الذهاب ولكن في رايي سبب من الأسباب الرئيسية.. الزمالك قادر على الفوز في غانا وان شاءالله التأهل هيكون من نصيبنا ‎الكونفدرالية”.

وشدد:” طبعا لا ألوم على اللاعيبة، اللاعيبه طبيعي يكونوا فرحانين بالجمهور وتحية الجمهور ليهم وده لمعظم اللاعيبة اهم حاجه عندهم بس لازم يبقى في قواعد ونظام لازم مفيش حد من اللاعيبة اللي بره المعسكر ينزل الملعب!! بعد لما نكسب انزل براحتك قبل الماتش التركيز كله مع المجموعة اللي هتشارك او عندها فرصة للمشاركة في المباراة”.