” مش ابن النادي .. شوبير يفتح النار على مجلس الزمالك
هاجم الإعلامي أحمد شوبير مجلس إدارة نادي الزمالك بسبب فسخ عقد المغربي صلاح مصدق، لاعب الفريق، بسبب عدم حصوله على كامل مستحقاته المالية.
وقال شوبير خلال تقديمه برنامج “مع شوبير” الإذاعي:”بصراحة مش فاهم… هل في فرصة إن صلاح مصدق يرجع للزمالك ولا مفيش؟ أنا شايف إن ممكن يكون في فرصة لعودته.”
وأضاف:”الزمالك بيحاول يتواصل مع اللاعب للتوصل إلى حل ودي، علشان ما يصعّدش وما يقدمش شكوى. السؤال هنا: هل هيحصل على مستحقاته المتأخرة ويتنازل عن باقي العقد، ولا هيتجه لتقديم شكوى رسمية ويقفلوا الملف بطريقة قانونية؟”
وتابع مستنكرًا:”لو الظروف واللوائح في صفه وتديله حقه كامل، طب ليه النادي ما ادّاهوش مستحقاته وهو لسه موجود وبيشارك؟”
وأردف:”وبعدين تزعلوا لما نتكلم ونقول الحقيقة! لازم تكون دارس كل خطواتك وحساباتك سواء في التعاقد أو فسخ العقد، ومصدق عنده عقد ومكتوب له مستحقات، وبيطالب بحقه.”
واختتم تصريحاته قائلًا:”الزمالك اعتمد على إن صلاح مصدق لاعب كويس، لكن في النهاية هو مش ابن النادي. زي ما دايمًا بقول: لا هو متربي في الزمالك ولا وسام أبو علي متربي في الأهلي. كلهم محترفون، وكرة القدم هي رزقهم، ومحدش المفروض يزعل من الكلام ده.”
