“الراجل يجي يشتمني في وشي”.. أحمد السقا يرد على السخرية من فيديو دعم محمد صلاح

رد الفنان أحمد السقا على الهجوم الكبير الذى تعرضه له بعد نشره فيديو باللغة الإنجليزية لدعم النجم المصري محمد صلاح فى أزمته الأخيرة مع نادى ليفربول.

أحمد السقا : يا إخواتي الصغيرين والكبار اللي أهنتوني النهارده، أنا مسامح… بس حرام نعمل كده في نفسنا، لو رجعتوا اللي كتبتوه وشوفتوا شكلي، أنا زعلان جدًا وصوتي تعبان، أعتقد هتحسّوا بالذنب 100 مرة.

واحد بيقولي: يا أهبل انت صدّقت إنك إبراهيم الأبيض؟ إيه ده؟ انتوا تعرفوا أنا بعمل إيه في الضيق قبل اليسر؟، أنا مستغرب هو انا عملت أيه ؟ أنا مش فاهم ايه السخرية والإهانة اللي بقت موجودة الفترة الحالية ؟ أنا ممكن بكرا أبطل تمثيل وأقطع كارنية النقابة، وأنا الراجل يجي يشتمني في وشي ولكن مش هعمل كدا لان ابويا صلاح السقا وأمي السيدة نادية السروجي.