ميدو يهاجم إدارة الأهلي: هفضل أنا كابوسك المحلي والأفريقي
أطلق أحمد حسام ميدو، نجم الزمالك السابق، تصريحات نارية ضد إدارة التعاقدات بالنادي الأهلي، مشيرًا إلى أن محاولاتهم لضم أفضل اللاعبين لن تمنع تفوق الزمالك عليه في بعض المحطات التاريخية.
وقال ميدو في تصريحاته:”روح اقعد مع رضا عبد العال اديله مليون جنيه، أكبر مبلغ اتدفع في لاعب كورة وقتها، روح هات عقد إيمانويل وامشيه من الزمالك عشان كان معكنن عليك وعلى جمهورك، روح مضي مؤمن زكريا ومضي كهربا واعمل كوبري لإمام عاشور، روح بوس إيد بن شرقي واديله ضعف عقده عشان تجيبه فرقتك.”
وأضاف:”هتفضل تعمل كل ده، وهفضل أنا كابوسك المحلي والأفريقي، هفضل أنا الشوكة اللي في ضهرك ليل نهار. هتفضل تشتري أحسن لاعيبة وأحسن محترفين في القارة، وهاجي أنا بالجزيري والمثلوثي وميشالاك أعلم عليك، وأكسبك، وأخد منك بطولات.”
وأكد ميدو أن تفوق الأهلي في فترات الأزمات لا ينفي حقيقة تفوق الزمالك في بعض المحطات، مشيرًا إلى أن التاريخ هو الحكم في هذه الصراعات الكروية، قائلا:”وانت طول عمرك، وفي عز أزماتك، بتحط عليه وبتكسبه وبتاخد منه بطولات، ده مش كلامي، ده التاريخ هو اللي بيقول كده.”
