“يا جبل ما يهزك ريح”.. الحضري يوجه رسالة مثيرة للشناوي

وجه عصام الحضري حارس مرمى منتخب مصر السابق، رسالة لمحمد الشناوي حارس النادي الأهلي، بعد الانتقادات التي تعرض لها.

ونشر الحضري عبر حسابه الرسمي على موقع التواصل الإجتماعي “إنستجرام“: يا شناوي ما يهزك ريح.. ‏محمد الشناوي واحد منأفضل حراس المرمى الذين مروا على تاريخ النادي الأهلي والكرة المصرية، والطبيعي أن لكل جواد كبوة لكن إللي مش طبيعي إن في ناس بتستنى أي حاجة وتبدأ تشغل لجانها، وإللي بيحصل مع الشناوي متعمد ومقصود.

وتابع: من إمتى بيتم محاسبة لعيبة الأهلي بالقطعة؟ وده مش لاعب عادي ده قائد الفريق.

وأتم: تاني وتالت ورابع.. ما يحدث مع الشناوي متعمد وبيلعبوا على الناحية النفسية له، فلازم جمهور الأهلي الحقيقي يفهم اللي بيحصل مع أهم ركائز الفريق واللي رصيده عند جمهوره المفروض يحميه من كل صاحب مصلحة.