سيد عبدالحفيظ: كنت أحاول استغلال اهتزاز الترجي نفسياً قبل نهائي أفريقيا

استضاف الإعلامي مهيب عبدالهادي عبر برنامجه اللعيب المذاع من خلال قناة mbc مصر ، سيد عبدالحفيظ مدير الكرة السابق بالنادي الأهلي من أجل الحديث عن ظروف رحيله في الفترة الأخيرة.

تحدث سيد عبدالحفيظ عن تواجده من خلال بعثة الأهلي في نهائي بطولة دوري أبطال أفريقيا 2012 والتي جمعت بين الترجي والأهلي في رادس .

صرح عبد الحفيظ: سنة 2012 سافرت قبل مباراة النهائي أمام الترجي قبل بعثة الأهلي لتونس .. لاحظت ان الصحافة والإعلام شغالين جدا على إن الترجي عنده غيابات كتير .. وهم داخلين الاجتماع الفني ليلة الماتش لاحظت انهم متأثرين وواضح إن موضوع الاصابات ده شاغل تفكيرهم.

وأضاف : مراقب المباراة قالنا البطل ليه 30 ميدالية والوصيف ليه 30 ميدالية .. حاولت ألاعبهم نفسيا لما لقيتهم متأثرين وقولت للمراقب لأ انا جاي معايا 35 لاعب أنا عاوز 35 ميدالية للبطل عشان انا مفيش لاعب عندي هيروح من غير ميدالية ذهبية.

واختتم : وانا خارج قمت قايل لمدير الكرة في الترجي رياض بن نور وكان صاحبي وبتواصل معاه دايما ” نام النهاردة كويس عشان بكرة مش هتعرف تنام ” .. كنت بحاول استغل انهم متأثرين بموضوع الاصابات ده وبحاول اضغطهم.