″عايز تبطلني كورة”.. أول تصريح من حسين الشحات بعد أزمته الأخيرة مع الشيبي

تحدث حسين الشحات لاعب الفريق الأول لكرة القدم بالنادي الأهلي، عن أزمته الأخيرة مع محمد الشيبي لاعب فريق بيراميدز.

وقال حسين الشحات خلال تواجده ببرنامج الكورة مع فايق: ” كنت مركز فى اللعب واني اكسب فريقي فى مباراتي بيراميدز ولم أكن مشدود بسبب الشيبي ولما نزل في الماتش الأول محصلش اي حاجة”.

وتابع: “الماتش الثاني أنا بحمد ربنا اني خرجت سليم لأن محمد الشيبي دخل دخلة مؤذية جداً وانا واقع علي الارض قولت للاعيبة ده داخل يأذيني مش داخل كده وفاول وخلاص
وأحمد الشناوي كان جاي يتخانق معايا قولتله ده دخل يأذيني”.

واضاف: “وقولت للشيبي هو عشان فيه مشكلة بيني وبينك عايز تبطلني كورة لأن الداخلة مؤذية والله اعلم بنيته”.

واختتم: “قولت للاعيبة الحكم هيديلة طرد بعد ما يرجع لـ الـ VAR الشيبي كان عايز يبطلني كورة، ووسام ابو علي ده راجل وحماني بجسمة من التداخلات الي حصلت”.