سيد عبد الحفيظ: زيزو لا يستحق جائزة الأفضل.. والشحات اتظلم

علق سيد عبد الحفيظ مدير الكرة السابق بالنادي الأهلي، على تتويج ويليامز بجائزة أفضل لاعب داخل القارة، مشيرا أنه لا يستحقها.

وقال سيد عبدالحفيظ خلال تصريحات تليفزيونية: “ويليامز لا يستحق جايزة أفضل لاعب داخل القارة، وبالنسبة للشحات وزيزو مين يستحقها، للاسف اللي مودينا في داهية في الكرة المصرية هي العاطفة والحتة العاطفية دي بتكون اراء تنتشر فتتحول واقع لازم تسلم بيه، لكن الواقع اللي بجد ان مفيش لعيب في تاريخ الجايزة دي خدها من الكونفدرالية”.

واضاف: ” حسين الشحات لم يأخذ حقه نهائي، جه للأهلي 2019 خد 4 افريقيا وكان مؤثر على مدار البطولات دي وقصاد فرق كبيرة مش قصاد اكاديميات”.

وتابع: ” ارقام زيزو والشحات في دوري الابطال في المجمل هتلاقي الدنيا بعيدة جدا، فقولا واحدا حسين الشحات كان الاحق بالفوز بالجايزة ولا غبار على كده”.

واختتم: “ياجماعة دوري الابطال حاجة تانية خالص وأي جوايز فردية وجماعية في الكاف عمرك ما هتاخدها من الكونفدرالية قولا واحدا سواء لنادي أو لاعب”.