شوبير يوجه رسالة مثيرة للحضري

وجه الإعلامي أحمد شوبير، رسالة مثيرة لعصام الحضري حارس مرمى منتخب مصر السابق، بعد التصريحات الآخيرة له.

وتحدث شوبير في تصريحات إذاعية: عايز أقول رسالة للكابتن عصام الحضري أنا بلاحظ إنك منفعل في كل حواراتك وتصريحاتك وأنا أسطورة ومش عارف أيه، يا عم أنت أسطورة الأساطير بس خلي الناس اللي تقول.

وتابع: أنت الأعظم يا عم والأفضل والأحسن وكبير ورائع وحلو يعني هنقول أيه تاني يا كابتن عصام يعني ما أنت مش هتلعب كورة تاني تخطيت الخمسين وعملت تاريخ عظيم محدش هيقدر يعمله.

وأتم: خلي الناس يا كابتن عصام اللي تتكلم خلي العرب والمصريين والخواجات خليهم هما يتكلموا عليك ونفخر بيك، بتبقى حلوة لما تيجي الإشادة من الناس.