شوبير يكشف مصير كولر مع الأهلي
كشف الإعلامي أحمد شوبير، عن مصير السويسري مارسيل كولر المدير الفني للنادي الأهلي خلال الفترة القادمة، وموقفه من الرحيل عن تدريب الأحمر بعد تراجع مستوى الفريق.
وتحدث شوبير خلال تصريحات إذاعية: اللي بيدور داخل النادي الأهلي بكل وضوح محدش هيقرب من كولر خالص مفيش حاجة دلوقتي اسمها يمشي، هما عندهم ثقة كبيرة في الراجل وفي إنه قادر على العودة من جديد للنتائج الجيدة.
وأضاف: ولكن هيبقى فيه كلام كتير جدا مع كولر في اليومين الجايين من قبل كابتن الخطيب، خاصة في الأمور الفنية في مباراة بلوزدادالأخيرة، يعني ليه لعبت كريم الدبيس جناح أيمن وفيه عندك بيرسي تاو.
وأتم: الخطيب هيجيب مستر كولر وهيبقى فيه كلام كتير معاه يعني برضه ليه لعبت خالد عبدالفتاح باك يمين وفين مروان عطية وما علمته إن رجليه كانت واجعاه شويه ولذا فضل الجهاز الفني عدم المخاطرة به، كمان حتة مشاركة كهربا وبيرسي تاو في الوقت الضائع هيعملوا إيه.
