والد زيزو: الإدارة بتحاول تطلعنا طماعين.. وابني مستني الزمالك مش الفلوس
هاجم والد أحمد سيد زيزو إدارة الزمالك بسبب ما وصفه بمحاولات تشويه صورة نجله أمام الرأي العام، مؤكدًا أن اللاعب رفض عروض خيالية من الخارج احترامًا للنادي وجماهيره.
وقال في تصريحات خاصة لموقع (كورة بلس): “الناس بتتكلم عن مطالب مالية مبالغ فيها، وبيقولوا إن زيزو عايز 80 مليون! والله ما طلبنا جنيه ولا قلنا رقم، دي إشاعات الإدارة بتسربها علشان تطلعنا طماعين.”
وأضاف: “زيزو جدد عقده 3 مرات وكان يقدر يمشي بشرط جزائي سهل، لكن اختار الزمالك، واللي اتعرض عليه من برّا أكتر 10 مرات من اللي بياخده في النادي.”
وتابع مستنكرًا: “ليه محدش قال إن عبد الله السعيد مجددش؟ والونش والمثلوثي نفس الوضع؟ ليه مفيش دوشة عليهم؟ بس لما زيزو يفكر يمشي الدنيا تقوم! ده اسمه إيه؟”
واختتم حديثه برسالة مباشرة لإدارة الزمالك: “ابني ضحّى علشانكم، لكن أنتو قررتوا تبيعوه بكلامكم.. مش بالعقود.”
وفي ظل استمرار هذه الأزمات والتصريحات المتبادلة، تبقى جماهير الزمالك في انتظار قرار حاسم يعيد الاستقرار داخل النادي، ويحسم مستقبل أحد أبرز نجوم الفريق في السنوات الأخيرة.
