حسام حسن: لن نغير أسلوبنا أمام الأرجنتين، وطموحنا بلا حدود
أكد حسام حسن، المدير الفني لمنتخب مصر، أن الفراعنة سيدخلون مواجهة الأرجنتين في دور الـ16 من كأس العالم 2026 بشخصيتهم المعتادة، مشيرًا إلى أن المنتخب المصري لا يخشى أي منافس مهما كانت قوته.
وقال حسام حسن: “قدامنا منتخب كبير ومتمرس وكسب البطولة الأخيرة، ولو عملنا استفتاء دلوقتي أكيد النسبة الأكبر هتكون للأرجنتين، لكن إحنا لينا طموح مختلف”.
وأضاف: “مش هنبقى سهلين لأي حد، عندنا هدف ونقدر نوصل لطموح الجماهير المصرية والعربية، وطموحي مبيخلصش”.
وتابع: “الصغير مبيفضلش صغير، وإحنا مش صغيرين، إحنا كبار في كل حاجة، وإحنا حضارة 7 آلاف سنة، وإن شاء الله يبقى لينا دور في الكرة العالمية”.
وعن مواجهة الأرجنتين، أوضح: “إحنا مش بنغير أسلوبنا بناءً على الفريق اللي قدامنا، بنحترم نقاط قوتهم، لكن لازم نفرض شخصيتنا وطريقتنا في اللعب. الأرجنتين منتخب قوي وحامل اللقب، لكن إحنا عندنا قوة مضادة سواء من الناحية التكتيكية أو بإمكانات اللاعبين”.
كما علّق على الجدل الخاص بقرار رفع إيقاف فولارين بالوجون لاعب منتخب الولايات المتحدة، قائلًا: “بحترم قرارات فيفا، لكن كان عندي لاعب مهم هو مهند لاشين واتظلم بالإيقاف، وقدمنا تظلمًا ولم يتم قبوله. هناخدها بحسن نية ونتمنى إن قرارات فيفا تكون عادلة ولصالح الجميع”.
