شريف إكرامي يعلن اعتزال كرة القدم رسميًا

أعلن شريف إكرامي، حارس مرمى بيراميدز ومنتخب مصر والأهلي السابق، اعتزاله كرة القدم بشكل رسمي.

شريف إكرامي يعلن نهاية مسيرته

ونشر شريف إكرامي عبر حسابه على مواقع التواصل الإجتماعي “فيس بوك”: «بعد أكتر من 30 سنة، جه الوقت اللي أودع فيه الملعب و أعلق الجوانتي، جه وقت اني اخد قرار يمكن كل لاعب بيبقى عارف إنه هييجي في يوم من الأيام لكنه عمره ما بيبقى سهل، لأنك مش بتسيب شغلانة أنت بتسيب حياة كاملة، شكراً لكل نادي لعبت فيه».

وأضاف : «فينورد و الجونه كل واحد فيكم ضاف لي كتير كانسان مش بس كلاعيب، شكراً بيراميدز اللي ختمت فيه و كنت محظوظ اكون جزء من جيل حفر تاريخ لنفسه و للنادي، لكن هيفضل للنادي الأهلي مكانة مختلفة في قلبي، الأهلي مش مجرد نادي لعبت فيه.. ده المكان اللي اتولدت فيه، كبرت واتعلمت و نضجت فيه، و منه الناس عرفتني و حققت فيه كل اللي كنت بحلم بيه كلاعب، الاهلي غير اي حد».

وأتم: «شكراً لكل مدرب دربني ولكل لاعب شاركني أوضة اللبس، ولكل عامل وإداري اشتغل في صمت عشان يساعدنا ننجح، شكراً لكل الجمهور اللي ساندني في الرحلة، و شكراً لكل اللي انتقدوني.. لأنكم كنتو سبب في الإنسان اللي بقيت عليه النهارده، وعشت معاكم أجمل لحظات في حياتي واتعلمت منكم في أصعبها، و شكراً لعيلتي اللي كانت حاضره في كل لحظة واستحملت ضغوطات الشغلانه أوقات أكتر مني أنا.. من قلبي بقولكم وبقول للكورة شكراً».

اقرأ أيضًا:

طبيب بيراميدز يكشف موعد عودة محمد حمدي