والدة زيكو: كنت ببيع في السوق علشانه وهو إخواته، ومراته بقت رقم1

كشفت والدة مصطفى زيكو، لاعب منتخب مصر الأول لكرة القدم، عن سر عدم زيارة نجلها منذ عودته من معسكر المنتخب الوطني، بسبب ارتباطه بعدد من الاحتفالات والفعاليات الخاصة بالإنجاز الذي حققه مع الفراعنة.

والدة زيكو تكشف سر بكاء نجلها

وقالت والدة زيكو خلال تصريحات تلفزيونية: “فرحانة بالمكانة اللي هو فيها بس الكورة لهته عني كتير، شغله بقى، بس واحشني جدا، مجاليش لسه بعد ما رجع من أمريكا عشان الاحتفالات، كل شوية بيتصل عليا، الاحتفالات واخداه مني، بيفضل شغله عن الحياة الأسرية، وأي لاعب كده”.

وأكملت:عيط عشان مقدر تعبي، وقدر إني كنت بشيل الفرشة لوحدي وأطلع أفرش في السوق وأبيع ملابس عشانه هو وإخواته.”

وأضافت: “يارب ييجي، اتصلت بيه وقلت له نفسي أروح الاستاد وأقابلك هناك طالما مش فاضي تيجي قال لي هتبقى بهدلة وناس كتير، أقوله طب هتيجي امتى يقولي هخلص الاحتفالات وهجيلك، أنا كنت في حياته رقم 1 ودلوقتي مراته بقت رقم 1 وانا رقم 2، وراضية وقابلة”.

واختتم: ‘رجع من أمريكا على احتفالات ولقاءات وكان بيحضر نفسه ويشتري لبس، بس أنا فرحانة بيه ده ابني وأنا اللي مربياه، بس أنا أمه برضه”.

اقرأ أيضاً:

حمدي فتحي: تعرضنا لظلم أمام الأرجنتين، وحسام حسن منعنا حتى من التفكير في ميسي